निरागस

परत एकदा ते निरागस बालपण हवे

मला सहज अलगद उचलून पाळण्यात टाकावे

माझे काका-काकू, आजी-आजोबा, अन आई-बाबा

त्यांच्या अंगा खांद्यावर परत एकदा

निजावे, खेळावे, हिंदळावे

पहाटेच्या कुशीत परत एकदा शिरावे

गवताच्या पात्यावर चमचम करणारे दवबिंदू होवून

कळू न देता अलगद विरघळून लपून राहावे

हिरव्या देठावरची कळी होवुन

जरा वेळ फुलणंच थांबवावं

आईच्या पदराखाली

जसे शुभ्र पाण्याच्या झऱ्याखाली

नदीसारखे एकरूप व्हावे

परत एकदा ते लहानपणीचे बाल्य हवे